[ВИДЕО] Путин го покажа станот каде што живее во Кремљ

Рускиот претседател Владимир Путин дозволи ретка прошетка низ делови од својот стан во Кремљ, прикажани во нов документарец на државниот канал „Русија 1“. Станува збор за простории што се наоѓаат веднаш до неговата канцеларија – и каде, како што вели самиот Путин, минал најголем дел од ноќите во последните три години.

Снимките се дел од специјален проект за животот на Путин, а новинарот Павел Зарубин доби ексклузивна можност да влезе во ова интимно и строго чувано просторно крило. „Да, ова е тој стан. Како што гледате, не е далеку од канцеларијата“, му рече Путин на Зарубин додека го водеше низ просториите.

На видеото се забележуваат неколку лични детали – бело пијано, портрет од рускиот император Александар III, библиотека и дури домашна црква. Претседателот откри дека, иако има пијано, многу ретко има време да свири.

Ова не е првпат Путин да им даде увид на новинарите во својот работен простор. Во 2020 година, тој кратко ги одведе во делови од неговата канцеларија, покажувајќи неколку помошни простории – трпезарија и просторија за одмор. „Да ве предупредам – не готвев ништо таму, па атмосферата е повеќе работна отколку домашна“, рече тогаш на шега.

Путин показал свою квартиру в Кремле

Пропагандист Павел Зарубин показал кадры из документального фильма про Путина, который выйдет в это воскресенье. В частности — одну из комнат в его квартире в Кремле. В ней Путин живет, когда остается после работы на ночь.

На нескольких… pic.twitter.com/WqefiwfX72

— Дождь (@tvrain) May 1, 2025

Особено интересен беше и неговиот опис на средбата со кинескиот претседател Си Џинпинг во пролетта 2023 година. Како што рече, по официјалниот дел од разговорот, го поканил својот гостин во станот. „Имавме пријатен ручек, а потоа, од пријателски причини, се преселивме во станот. Седевме покрај каминот, пиевме чај и разговаравме мирно и темелно“, изјави Путин.

Со ова ретко откривање на дел од неговиот приватен простор, рускиот лидер испраќа внимателно контролирана, но симболично значајна порака – дека дури и на местото со најголема политичка моќ во Русија, има простор за тишина, лично размислување и неформални моменти.

Кремлевский репортер показал роскошный интерьер квартиры Путина в Кремле. В ней стоит портрет императора Александра III

Участник кремлевского пула от ВГТРК Павел Зарубин показал интерьеры квартиры Владимира Путина в Кремле (в ней президент живет, когда остается здесь на ночь).… pic.twitter.com/6MfPn7XUa8

— Новости «Агентства» (@agents_media) May 1, 2025