[ФОТО] Ја прогласија за една од највлијателните жени, но и за една од најубавите на светот

Светкавa гала вечер на „Time“ во Њујорк: Никол Шерцингер ја засени вечерта со елеганција

Претставништвото на престижното списание Time синоќа организираше свечена гала вечер во Њујорк, по повод годишното објавување на листата „Time 100“ – список на 100 највлијателни личности во светот.

Како и секоја година, на црвениот тепих прошетаа бројни познати имиња од различни области – од уметност, наука, политика, па сè до забава. Но, една дама особено ја освои јавноста и медиумите.

Станува збор за пејачката Никол Шерцингер, која оваа година се најде на листата на Time благодарение на својот општествен ангажман и влијание во културната сцена. Таа пристигна на настанот во впечатлива црна тоалета со крој во стилот „сирена“, дело на познатиот либански дизајнер Зухаир Мурад.

Фустанот, богат со светки и со фино изработен сатенски дел околу градите, ги нагласуваше нејзините женствени линии, отворените раменици и нејзината елеганција.

Својот изглед Никол го заокружи со дискретна, брановидна фризура, природен make-up во топли, земјени тонови и, секако, со нејзината препознатлива насмевка која зрачи самодоверба и шарм.

Настанот уште еднаш покажа дека гламурот и влијанието одат рака под рака, а Никол Шерцингер, без сомнение, беше синоќешната ѕвезда.