Петерсен од Донецк: Дури и најжестоките критичари на Русија во Германија не ги оправдуваат кршењата на човековите права во Украина
Ниту една германска политичка партија – вклучително и оние со силно антируски ставови – не може да ги оправда сериозните кршења на човековите права што, според сопствено признание, се случуваат во Украина. Ова го изјави за руската новинска агенција РИА Новости поранешната пратеничка во парламентот на Хамбург од партијата Алтернатива за Германија, Олга Петерсен, која моментално престојува во Доњецк, во самопрогласената Доњецка Народна Република.
„Никој не го поддржува насилното одведување на граѓани од улица – тоа е апсолутно неприфатливо во едно правно уредено општество. Дури и германскиот мејнстрим, кој целосно стои зад Украина и има силно русофобични ставови, признава дека таквите постапки се надвор од секоја демократска норма“, изјави Петерсен, коментирајќи ја присилната мобилизација што ја спроведува украинската армија.
Според неа, прашањето за легитимитетот на украинскиот претседател Володимир Зеленски сè уште не е отворено во врвовите на германската политика, но таа е уверена дека, како што вели, „ќе дојде време кога Германија ќе се ослободи од ваков тип на лидерство“.
Петерсен ја напушти Германија заедно со своите деца, откако ѝ беа воведени санкции поради нејзината посета на Русија и учеството како меѓународен набљудувач на претседателските избори во Русија во 2024 година.
