Бројот на загинати во невремето кое ги погоди Тенеси и Мисури во САД се зголемил на пет, а ризикот од торнада и поплави продолжува и денес, јавуваат американските медиуми.
Осум лица се повредени во повеќе американски сојузни држави, вклучувајќи ги Кентаки и Арканзас, пренесува телевизијата ABC.
Гувернерката на Арканзас, Сара Хакаби Сандерс, прогласи вонредна состојба во целата држава поради невремето, кое било проследено со град и обилни дождови.
Пријавени се најмалку 20 торнада во средата, од Арканзас до Индијана. Олуи ширум САД го загрозуваат околу 90 милиони луѓе, пренесува AP. Метеоролозите издадоа предупредување за торнада и бујични поплави за делови од Мисури, Арканзас, Тенеси, Мисисипи, Индијана, Илиноис, Кентуки и Оклахома.
Метеоролошката агенција исто така предупреди дека дождот во Арканзас, Мисури, Тенеси и Мисисипи може да доведе до големи рекини поплави.
