Во денешно време се повеќе жени одлучуваат да останат слободни, а експертите објаснија кои се причините за тоа.
„Доаѓа до едноставна, но значајна промена кога се работи за врски: жените сфаќаат дека заштитата на нивниот мир е приоритет број еден,“ изјавила е експертката за врски, Даниела Сетела, за „Дејли Мејл“.
Таа додала дека жените се плашат дека ќе се изгубат во врските или браковите кои ги задушуваат. Тие избираат мир наместо хаос и емоционална сигурност наместо привидна поврзаност.
Не чекаат да бидат исполнети од љубов. Тие ја штитат својата целосност за која толку многу се бореле. За денешната жена, останувањето сама не е неуспех – тоа е облик на самољубие, објаснила таа.
Експертот за врски, Бритни ЛаБонт, напоменала дека постои голема разлика помеѓу „да бидеш сам“ и „да бидеш осамен“.
„Всушност, самечкиот живот може да биде зајакнувачки, исполнет и сосема радосен. Ако сте слободни, не дозволувајте никому да ве натера да се чувствувате како да заостанувате,“ додала таа.
Се смета дека треба да се остварите целосно како личност пред да започнете врска.
