САД донесоа одлука за воведување царина од 33% на увозот на производи од Македонија, како одговор на, како што е наведено во списокот претставен во Белата куќа, „високите давачки“ што Македонија ги применува за американските производи. Според американските власти, македонските царини за увоз на стоки од САД достигнуваат 65%.
Според податоците за ланската трговска размена, Македонија извезла производи во вредност од 118 милиони долари во САД, а најголем дел од извозот го сочинуваат тутунот, облеката, железото и челикот. Во исто време, увозот на американски производи изнесувал 196 милиони долари, при што главно се работи за електрични машини и опрема.
