Иако многу раскинувања на прв поглед изгледаат како неочекувана одлука, реалноста често е поинаква.
Според новото психологшко истражување, постојат два клучни моменти во развојот на врската кои можат да го предвидат нејзиниот крај – и тоа многу пред самото раскинување.
Психолозите Јанина Бухлер и Улрих Орт ги анализирале податоците на повеќе од 11.000 лица на возраст од 12 до 21 година. На основа на овие податоци, откриле како падот на задоволството во врската почнува години пред раскинувањето, а одлуката за ова најчесто не е неочекувана, барем не за оној кој ја донесува.
Според истражувањето, врската се распаѓа во две клучни фази:
Предзавршна фаза
Според психолозите, оваа фаза започнува рано и може да трае години. Во текот на оваа фаза, партнерите постепено губат задоволство од врската, но уште постои простор за промени и подобрувања.
Токму во оваа фаза има најголема шанса за спас на врската – ако двете страни се свесни дека нешто се случува.
Завршна фаза
Оваа фаза започнува кога парот ќе се најде на “точката на пресврт” – моментот кога задоволството нагло паѓа, а емоционалната дистанца станува изразена. Фазата може да трае од 7 до 28 месеци, а по неа врската најчесто се завршува.
„Кога парот влегува во завршната фаза, раскинувањето е речиси неизбежно“, објасни Бухлер. Таа додаде дека оваа фаза постои само кај оние кои на крајот се разделуваат – не постои кај оние кои остануваат заедно.
Интересно е што, според неа, двајцата партнери не поминуваат низ овие фази истовремено. „Тој кој раскинува најчесто веќе подолго време чувствувал незадоволство, додека другиот тоа го забележува подоцна.“
„Партнерите не раскинуваат од ден во ден, туку поминуваат низ низа фази кои ги оддалечуваат емоционално. Важно е да се препознаат тие обрасци за да се реагира навремено“, истакна Бухлер.
Што да се направи?
Ако се препознавате во овие фази, психологијата советуваат дека најважно е да не ги игнорирате знаците.
„Токму во првата фаза, додека не е премногу доцна, можно е да се направат промени, да се разговара отворено и да се обиде да се спаси врската – ако тоа го сакаат и двете страни. Зашто, кога еднаш ќе влезете во завршната фаза, нема враќање“, нагласуваат.
