Патот Кичево-Дебар требаше да биде готов во 2015 година. По долго одложување, рокот првично беше одложен за ноември 2023 година. Потоа во 2024 година надлежните соопштија дека се работи за неколку месеци. На крајот, поради голем одрон, рокот беше до февруари 2025 година.
-Се наоѓаме на регионалниот пат Кичево-Дебар, поконкретно од село Извор до Дебарскиот мост. Овој пат е долг само 19 километри . Пред подолго време е започнат меѓутоа не е завршен. Пред 7 месеци градежната фирма за ТВ21 изјави дека февруари е рокот кога оваа улица ќе биде асфалтирана и дека ќе се пушти во употреба, но сега е месец март и дојдовме да видиме до каде се работите но како што се гледа патот не е асфалтиран и изграден е само еден дел, пренесува репортерката на ТВ21, Салије Садику Пињоли.
Од претпријатието „Илинден“ кое ги изведува работите велат дека рокот повторно е продолжен поради свлечиште, што го оневозможило асфалтирањето на отворената траса. Според нив, за надминување на овој проблем треба да се постават заштитни ѕидови со што ќе се зголеми цената за оваа улица.
