Сара Поп-Арсова, историчарка и правнука на еден од основоположниците на Македонската револуционерна организација и автор на нејзиниот прв Устав, Петар Поп-Арсов, со осуда за „реформата“ на министерката за образование Мила Царовска, која предвидува укинување на посебноста на наставниот предмет историја и негово вметнување во нов заедно со географија и со граѓанско општество.
„Моето име е Сара Поп-Арсова. Имам чест, но и одговорност да го носам презимето на еден од најголемите македонски револуционери – Петар Поп-Арсов. Ваквиот аманет го детерминира мојот животен пат и ме наведе моите студии да ги започнам на Филозофскиот факултет на Институтот за ссторија.
Последниве неколку дена на јавноста ѝ е претставен новиот образовен концепт кој предвидува интегрирање на неколку општествено-хуманистички науки и неколку природни науки во еден предмет. Оваа ‘реформа’ може да има страшни и трајни последици на идните генерации. Во период кога Македонија се наоѓа во ситуација во која треба секојдневно да го ‘докажува’ својот идентитет, решението не е бришење на предметот историја и негово интегрирање со останатите ‘општествени предмети’.
Интересно е што овие реформи доаѓаат во период кога многу јасно се зборува за ‘заедничката’ историја со нашите источни соседи. Апсолутно се гледаат надворешните притисоци како стојат зад оваа одлука на чие чело застана Царовска. Брзото носење на какви било реформи, особено во образованието, нема да резултира со позитивен фидбек, напротив, учениците ќе имаат дупки во основните знаења што ќе се одразува на нивното образование и ќе им направи потешкотии во понатамошното студирање. Ваквата реформа не само што е навредлива за секој Македонец, туку сметам дека е огромен минус и за идните генерации кои што нема да добијат онаква претстава за историјата како што треба и како што заслужуваат. Јас, како и сите останати Македонци, имаме предци кои се бореле за автономија на Македонија и го дале својот живот за татковината. Покрај тоа што изгубивме многу голем дел од нашата ‘македонштина’, губењето на историјата би била капка која ќе ја прелие чашата“, смета Поп-Арсова.https://eadsrv.com/ads/tpld/html5.php?md5=zhou83JuzbDa5xJkVpoB7MUtsvtDKeE3w8rFNYnUGuJCUZQxYel-dPMd3VoNlvSo31jSd0pyswHYN2NZhK4noKdk_jI3UFH3Jc6HqKxh99k4KSlpAI7qfU3_lu0m98c0BVBPc3MjtPNTJIY4BmlplT1CDFW4TI4kuXE3MFKbDpCqC7aGau7yYeKbaFYZJT6vxmWy5ImpdpyyvT39qLi69z97X5jeXimws1gstg0VB_nHoBL4QCyjklQKwdueoJKcMHg0P85QfHsx6MSesodYd6Gvsdz9WXRJzT7ap3gxUyikSYrCbbhZvUYyEkl-oG8AFA1xF1iRLCMbVDqgGInpi26q7opAoiz2aecakY6MmaMdj8oj6B0hmRB-jnqvfG6Je5EINsesDwicPZpx4qoTL0bnp6ss_L8dcUArzphg8gPMSGIYtMoc6QzAj6OFWnRK6zezRQC-yWc2JuIUDi8KURepBG_oSQUAz4SssbT7yd1gLS2JeRGJvJypRx5zaeP-nP0fyPByLfg,
