Домот е место каде што треба да се чувствувате удобно и пријатно. Покрај тоа, треба да настојувате вашиот простор да биде уреден онака како што сметате дека е најдобро за вас и вашето семејство.
Но, дали знаевте дека постојат некои работи што можат да ве прават несреќни, а притоа можеби и не забележувате? Погледнете ја оваа листа од 10 предмети кои повеќето ги имаат во својот дом, но тие не носат ништо позитивно со себе.
1. Премногу детски цртежи
Не дека не ви се допаѓаат и не ја цените работата на вашите деца, но сепак, просторот на фрижидерот и ѕидовите е ограничен. Подобро е да ги соберете сите цртежи на едно место и да ги направите во вид колекција која ќе ја разгледувате вие и вашето дете во слободното време.
2. Бонбони од свадби и крштевки
Секако дека нема ништо лошо во нив, но доколку тие ја пренатрупуваат вашата фиока, тогаш потребно е да ги отстраните.
3. Книги што сте ги прочитале, но не ви се допаѓаат
Не мора да ги фрлите, но слободно можете да ги подарите некому или пак да ги однесете во локалната библиотека.
4. Премногу производи за убавина
Доколку имате премногу кармини и шминки и некои од нив се многу стари, одвојте време за да го проверите нивниот рок на истекување и оставете ги само оние производи што ги користите.
5. Сѐ што е скршено
Како на пример некој постар накит што повеќе не е во употреба или чашата со скршена рачка која веќе не ја користите. Освен ако немате некој план за да ги поправите, тогаш одлучете се за нивно отстранување.
6. Истрошени батерии
Одвојте малку време и тестирајте ги сите оние батерии кои се наоѓаат во вашата фиока. Доколку се истрошени и немаат можност за полнење, тогаш зошто да ги чувате?
7. Премногу декоративни работи
Сѐ додека немате намера да ги искористите за нешто друго (како на пример шарената хартија да ја искористите за виткање некој подарок со неа), чувањето премногу декоративни работи само ви зазема простор.
8. Храна од шпајзот која никогаш нема да ја јадете
Иако мразите да фрлате храна, доколку во вашиот шпајз се наоѓаат работи што знаете дека нема да ги јадете, тогаш време е да се ослободите од нив, наместо да ги чувате на полиците.
9. Купови документи и сметки
Сигурно не ви се потребни сите документи и сметки кои ги чувате во вашата фиока. За да си олесните себеси, можете истите да ги скенирате и да ги имате во дигитална верзија, при што и полесно ќе можете да ги најдете доколку имате потреба.
10. Стари фотографии
Како на пример фотографии од венчавката на вашите родители и вашата баба кога била дете. Не дека треба да ги фрлите овие богати спомени, но само чувајте ги на некое место каде што не доаѓате често во контакт со нив. Исто така и нив можете да ги направите во дигитална верзија и да ги чувате во вашиот компјутер.
