Притворот на Имамоглу доаѓа еден ден откако Универзитетот во Истанбул објави дека му ја одзема универзитетската диплома поради неправилности
Турските власти го приведоа главниот политички ривал на претседателот Реџеп Таип Ердоган, градоначалникот на Истанбул, Екрем Имамоглу, како дел од истрагата за поврзаност со корупција, пренесува турската државна новинска агенција Анадолу.
Советникот за медиуми на градоначалникот, Мурат Онгун на социјалната платформа Икс потврди дека Имамоглу е приведен, не не приложи повеќе детали за случувањата.
Притворот на Имамоглу доаѓа еден ден откако Универзитетот во Истанбул објави дека му ја одзема универзитетската диплома поради неправилности.
„Ќе ја однесеме оваа незаконска одлука на суд и ќе се бориме против неа“, рече Имамоглу, додавајќи дека одлуката на Универзитетот е незаконска.
Со тоа, се нанесува голем удар на неговата амбиција да се кандидира за претседател на следните избори во земјата.
Услов да се кандидира за претседател е кандидатот да има високо образование.
Универзитетот соопшти дека ги прогласува дипломите и на други 28 лица, вклучително и Имамоглу, како „неважечки“ поради „очигледна грешка“.
Имамоглу е популарен опозициски политичар од левичарската Републиканска народна партија (ЦХП). Овој викенд требаше да биде номиниран како кандидат за претседател на државата на неговата партија.
Имамоглу двапати е избиран за градоначалник на Истанбул, во 2019 и 2023 година, победувајќи ги кандидатите од владејачката конзервативна партија Правда и развој на Ердоган.
Владата на Ердоган негира дека врши политички притисок врз судовите и тврди дека судството е независно.
