Две лица повредени во пожарот во дискотеката во Кочани утрово се пренесени на лекување на Клиниката за трауматологија на КБЦ „Сестри милосрдници“, соопштија од болницата во вторник наутро, додека транспортот на двајца пациенти се очекува денеска.
Двајца пациенти кои утринава се примени на трауматолокото одделение имаат изгореници и повреди од вдишување на респираторниот тракт, па обезбедени се респиратори за механичка вентилација.
Покрај нив, во Загреб на лекување во текот на денот треба да пристигнат уште повредени пациенти од Кочани, а премиерот Андреј Пленковиќ вчера изјави дека со македонските власти е договорено денеска со хеликоптери хрватската армија да ги превезуваат преостанатите пациенти.
Владата во Загреб утрово извести дека хеликоптер на хрватската армија денеска и утре ќе превезува уште четворица пациенти, кои исто така ќе бидат згрижени во хрватските здравствени установи.
Во акцијата за помош, задачата за лекување на повредените Македонци и е доверена на Клиниката за трауматологија при Клиничката болница „Сестри милосрдници“, каде најпрвин ќе се утврди степенот на изгорениците и повредите на други телесни функции, со оглед на тоа што преживеале тешка психофизичка траума.
За место на лекување е избрана Клиниката за трауматологија бидејќи има Оддел за изгореници, посебно одделение за изгореници со посебна операциона сала и одделение за интензивна нега. Таму има и банка за ткиво каде што се одгледуваат трансплантации на кожа, кои се неопходни за тешки изгореници.
За здравствената состојба на пациентите и нивниот понатамошен тек на лекување лекарите ќе известат во 11 часот, на прес-конференција пред болницата.
Во пожарот во импровизираната дискотека во Кочани, кој избувна во ноќта кон неделата, загинаа 59 млади лица, а повеќе од 150 се повредени. Неколку десетици тешко повредени лица се транспортирани или се подготвуваат за транспорт во соседните земји, меѓу кои Бугарија, Грција, Србија, Литванија, Хрватска и Турција.
