Во Кочани беа донесени сите 14 осомничени за трагедијата во дискотеката „Пулс“, во која загинаа 59 млади луѓе.
Претходно, Државниот јавен обвинител Љупчо Коцевски соопшти дека во врска со несреќата во ноќниот клуб „Пулс“, се работи на итно процесуирање на осомничените. Според неговите информации, тие се сомничат за „тешки дела против општа сигурност“, согласно член 292 од Кривичниот законик, со казна затвор од најмалку три години, со можност казната да се искачи до 20 години. Тој додаде дека се испитуваат и можни дејствија на примање и давање поткуп, како и незаконска набавка на пиротехнички средства.
Погледнете го видеото
