Заклучно со 22 октомври годинава, речиси 78 илјади македонски државјани побарале да добијат бугарски пасош врз основа на своето бугарско потекло, велат официјалните податоци во Бугарија презентирани во парламентот.
Од 1 јануари 2010 година до 22 октомври 2020 година речиси 78.000 македонски државјани поднеле барање за бугарско државјанство, а речиси 90 отсто од нив и го добиле. Во последните 10 години, 66.000 Македонци добиле бугарски пасош и сите врз основа на своето бугарско потекло. Овие податоци денеска во бугарскиот парламент ги обелодени министерката за правда Десислава Ахладова одговарајќи на новинарско прашање.
-повеќе на темата: За бугарски пасош Македонците плаќале по 1.000 евра!
Како што пренесува бугарскиот весник Дневник, од вкупно поднесени 77.829 барања за бугарско државјанство, дури во 77.725 случаи основата била бугарското потекло.
-повеќе на темата: Со бугарски пасош до посветла иднина, или можеби не!?
Како што пренесува весникот, прашањето во парламентот го поставил пратеникот на владејачката ГЕРБ, Христо Гаџев, и притоа коментирал дека додека Македонците бараат бугарско државјанство, со што стануваат граѓани на ЕУ, во Северна Македонија се спроведува недозволива политика и се поставуваат барања кон Бугарија.
