Александар Трајановски си поднесе оставка на функцијата заменик-градоначалник на Град Скопје. Тоа го стори на денешната седница на советот.
Тој ја обвини градоначалничката Арсовска дека се грижи единствено за „кланот Сарај“, кажувајќи дека единствено се грижи само за Сарај, и дека сите директори на јавните претпријатија доаѓаат од Сарај.
Исто така имаше замерки и за отказот на Косана Мазнева, која според него „се осмелила да се соочи против бандата од Комунална Хигеана“.
„Мазнова беше наградена со отказ, а денеска од екипата од Сарај назначува директори. Од кал да е, од Сарај да е“, рече Трајановски.
Во меѓувреме се огласија од Град Скопје, и демантираат дека Трајановски со поднел оставка, односно велат дека е разрешен пред 3 месеци.
„Лицето Александар Трајановски не ја извршува функцијата заменик градоначалник на град Скопје повеќе од три месеци. Имено, истиот е разрешен од функцијата на 19.12.2024 година.
Оттука, нејасно е од која функција си дава оставка ова лице. Трајановски е разрешен од функцијата поради нарушување на угледот на град Скопје, неизвршување на своите задачи и неисполнување на својата функција како заменик градоначалник. Поточно, ова лице нема вкупно 3 активни минути на својата функција.“, велат од Град Скопје.
