САД на земјите во Европската унија им дадоа три недели да постигнат договор за Украина, соопшти денес финскиoт пратеник во Европскиот парламент Мика Алтола.
“САД ни дадоа три недели за се договориме за услови за предавање на Украина. Доколку тоа не го направиме, САД ќе се повлече од Европа”, напиша Алтола на својот профил на социјалната мрежа Икс.
Тој оцени дека за американскиот претседател Доналд Трамп, приоритет е безбедноста на Русија, “и сега и во иднина”.
“Имаме три недели да пораснеме”, напиша Алтола, финскиот пратеник во Европскиот парламент.
Минатата недела Трамп ги изненади Европејците со договарањето на билатерални мировни преговори со Русија за завршувањето на војната во Украина, без директно вклучување на Украина, што ја зголеми загриженоста во Европската унија дека неговиот пристап за завршување на војната, ќе има корист само за Русија.
