Хуманитарната организација „Свети Спас“, со поддршка од Општина Кисела Вода, отвори нов пункт на народната кујна во црквата „Свети Георгиј“. Градоначалникот Орце Ѓорѓиевски и отец Оливер поделија 225 оброци на социјално загрозени граѓани.
– Преку партнерството со оваа организација, која активно работи на подобрување на животот на нашите сограѓани, го отворивме новиот хуманитарен пункт во рамките на нашата општина, кој ќе биде сместен во црквата „Свети Георгиј“ во Кисела Вода. Овој пункт ќе биде важен ресурс за сите оние што имаат потреба од помош и поддршка. Се надеваме дека оваа иницијатива ќе придонесе за уште поголема солидарност и соработка во нашата заедница – изјави градоначалникот Ѓорѓиевски.
