Многу луѓе посегнуваат по скапи здрави напитоци за да го подобрат здравјето на цревата и да го намалат чувството на надуеност.
Меѓутоа, доктор од Националната здравствена служба (NHS), доктор Каран Рајан тврди дека истиот ефект можеме да го постигнеме и со домашно решение.
Во ТикТок видео снимка, сподели едноставен рецепт за природен “велнес напиток” кој не е само поевтин, туку содржи клучни состојки кои го подобруваат здравјето на цревата.
Според неговите зборови, овој напиток “може да ја подобри рамнотежата на цревната флора, да го намали воспалението и да ги олесни проблемите со варење на храната”.
Основните состојки се цитрусни овошја, како лимон или портокал, кои содржат пектин – растворливо природно влакно кое делува како пробиотик и ги храни црвените бактерии. Покрај тоа, богати се со флавоноиди, кои го намалуваат воспалението, како и витамин Ц, кој е неопходен за одржувањето на здрава цревна слузница.
Следната состојка е ѓумбир, кој содржи џинџерол – соединение кое помага стомакот побрзо да се испразни. Доктор Рајан истакнува дека ѓумбирот има силни антиоксидативни и антиинфламаторни својства и дека може да ја ублажи мачнината, артритисот и болката. Исто така го подобрува варењето, со што се намалува ризикот од надуеност.
“За да го зголемите дејството, додајте црн бибер и куркума. Овие зачини делуваат синергистички – соединенијата во црниот бибер ја зголемуваат апсорбцијата на куркуминот од куркумата” советува докторот.
Клучната состојка е маслиновот масло, кое според зборовите на доктор Рајан, помага во подобра апсорпција на активни соединенија бидејќи се растворливи во масла. Освен тоа, маслиновото масло е богато со полифеноли кои делуваат како пробиотик. За подобар вкус, докторот советува додавање малку мед кој ја намалува киселоста на напитокот и листови свежо нане.
Сите состојки – лимон или портокал, ѓумбир, црн бибер, куркума, маслиново масло, мед и нане – се ставаат во блендер, се додава вода по желба и се блендира.
Добиениот напиток не само што е едноставен за подготовка, туку овозможува и бројни предности за варењето и генералното здравје, што го прави одличен додаток во вашата секојдневна рутина.
