Новоизбраниот претседател Доналд Трамп положи заклетва како 47-ми претседател на САД.
– Свечено се колнам (или потврдувам) дека верно ќе ја извршувам функцијата претседател на Соединетите Држави и ќе го зачувам, заштитувам и бранам Уставот на Соединетите држави најдобро што можам, ќе го зачувам, штитам и бранам Уставот на САД, рече Трамп во Заклетвата.
Претседателската заклетва на функцијата е наведена во член II, дел 1 од Уставот на САД. Заклетвата за другите федерални функционери, вклучувајќи го и потпретседателот, не е во Уставот. Конгресот ги создаде тие заклетви со статут.
Зборовите „помогни ми Боже“ не се појавуваат во Уставната заклетва. Таа фраза наводно била објавена од Џорџ Вашингтон на неговата прва инаугурација, со што станала преседан за идниот претседател. Сепак, нема конкретни историски докази дека Вашингтон навистина го сторил тоа.
Френклин Пирс и Херберт Хувер избраа да ги „потврдат“ наместо „да се заколнат“ своите заклетви, информира Си-Ен-Ен. (МИА)
