„Во дух на пријателството и соработката, а како процес на градење пријателство, кое сега е длабоко нарушено, да ја замолиме Софија свечено да ја врати МИТРАТА (круната) на Охридската архиепископија во Охрид…Митрата (капата, круната,…) на Охридскиот архиепископ се наоѓа во Софија, во Националниот историски музеј… пишува на Фејсбук поранешниот пратеник Илија Димовски.
„Земена (украдена) е од Охрид, од црквата Св. Богородица Перивлепта, од страна на бугарската војска во 1916 година, за време на Првата светска војна.
Оваа митра е подарок од Венеција за еден од охридските архиепископи. Тежи 1,5 кг чисто злато и на себе има 329 скапоцени камења.
Ја носел и последниот (пред укинувањето) архиепископ Арсениј…
П.С. Во Софија има над 80 реликвии, сопственост на Охридската архиепископија…
П.П.С. Архиепископскиот жезол се наоѓа во Зографскиот манастир на Света Гора…“
