Субвенционирањето, иако не е изразено во фактурите продолжува. Министерството за енергетика и ЕСМ се насочени кон намалување на производната цена, за да се намали јазот меѓу цената по која се произведува струјата и онаа која се продава на домаќинствата и на малите фирми
Домаќинствата и малите компании кои се на регулираниот пазар не ја почувствуваа многу енергетската криза. Цената на електричната енергија беше субвенционира од страна на државата. Но, како што рече министерката за енергетика Сања Божиновска на брифингот со новинарите, фактурата за тоа субвенционирање стигна и изнесува 60 милиони евра за две и пол години.
-Мора да работиме на подобрување на финансиската состојба на ЕСМ. Новиот Управен одбор пред себе има тешка задача да ја консолидира компанијата. Производната цена на ЕСМ е многу висока. Трошоците за производство на мегават-час за 4 години скокнаа од 50, на 133 евра за роизведен мегават-час во РЕК Битола, а на ниво на АД ЕСМ 112 евра за мегават-час. Е сега прашање е како тоа се случи. Се користеше многу лош јаглен, не се правеа редовни ремонти, видовте што се случи со адитивите … – рече Божиновска.
Целиот текст на Слободен Печат
