Еден милион денари од буџетот на општина Струмиза се пренаменуваат за помош на струмичката општа болница. Овие средства, предвидени за празничко украсување на градот, со одлука на советот ќе се префрлат на донаторската сметка на болницата. Општината и претходно најави дека годинешното украсување ќе биде симболично.
Според општината за одлуката се разговарало подолго време, бидејќи имало предлози и да се купат конкретни апарати или друга опрема потребна на болницата.
Струмица повторно ќе има светкава атмосфера за празниците, но годинава далеку поскромно од вообичаено. Локалната самоуправа смета дека градот не мора да има скапо украсување, туку колку да се одбележи периодот околу Нова година.
Во струмичката болница пак, се уште состојбата е алармантна. Раководството на болницата се бори за кревет плус, а недостига и персонал.
Струмица во моментов има повеќе од 600 активни случаи на ковид-19.
