Навистина се надевам дека ниту една политичка партија или личност би работела на дестабилизација на својата земја. Не гледам дека тоа може да биде во нечиј интерес, а особено не во интерес на граѓаните на оваа земја, изјави американската амбасадорка Анџела Агелер.
Прашана за стабилноста на земјава и дали разговарала со владини претставници за можна дестабилизација, Агелер рече дека секојдневно зборува со претставници на владата, бидејќи тоа и е работа, но дека не се сеќава на разговор за тоа конкретно.
– Затоа и имам фотографии со поранешни функционери, бидејќи тоа ми е работа. Но, конкретно за стабилноста на земјата, не се сеќавам на разговор за тоа конкретно, но разговарав со премиерот синоќа, веднаш по објавувањето на новите имиња на црната листа, бидејќи му ги пренесов објавите и разговарав повторно со него денеска. Навистина се надевам дека ниту една политичка партија или личност би работела на дестабилизација на својата земја. Не гледам дека тоа може да биде во нечиј интерес, а особено не во интерес на граѓаните на оваа земја – изјави Агелер, одговарајќи на новинарски прашања по прес-конфернецијата за проширувањето на „црната листа“ на Стејт департментот на САД.
– Се чини дека без разлика дали во владејачката коалиција или во опозицијата, улогата на кој било лидер избран или не, треба да биде да помогне во остварувањето на стабилна, безбедна и просперитетна Северна Македонија. Тоа го сака народот. Тие не сакаат да имаат дестабилизирачки напори, изјави Агелер.
-Во однос на моите ставови за непреченото законодавство во Парламентот, тоа зависи од гласачите, и искрено, на оние што тие ги избрале да ги претставуваат и нивните вредности.
И, знаете, без разлика дали ќе помине тој закон (за рестриктивни мерки, н.з.), она што луѓето го сакаат е да се види акција против корумпираните актери во оваа земја.
И така, без разлика дали тоа е затоа што има закон или не, мислам дека граѓаните и гласачите на оваа земја би биле воодушевени да видат како се преземаат мерки против оние за кои знаат дека се корумпирани, изјави амбасадорката Ангела Агелер на денешната прес конференција по повод проширувањето на рестриктивната листа на САД со поранешниот вицепремиер Артан Груби и судијата од Апелациониот суд Енвер Беџети.
