На социјаните мрежи веќе наголемо се шири панична вест помеѓу пензионерите, дека ЈСП повеќе нема да им ги продолжува пензионерите билети.
„Во автобусот на ЈСП на Автобуска станица, ПОВЕЌЕ НЕ СЕ ПРОДОЛЖУВААТ АВТОБУСКИТЕ КАРТИ НА ПЕНЗИОНЕРИТЕ. ОД НОВА ГОДИНА НЕМА ДА ВАЖАТ!!!“, вели една членка на групата Стари скопјани.
На тврдењето дека ова е дезинформација, истата членка реагира дека со свои очи видела: Ова не е “дезинформација, слушна во бус” ЈАС лично ја видов! Проверете: на вратата на автобусчето каде што се продолжуваат авт.карти – стои истото соопштение, напишано со крупни црвени букви!!!
„Точно, во автобусот на ЈСП на Железничка станица НЕ СЕ продолжуваат автобуските карти за пензионерите“, вели друг член кој се надоврза на постот.
„Пробајте да ги продолжите кај Капитол и ќе ви одговорат дека не ги продолжуваат веќе. Одбиен сум“, вели друг член на групата.
Фактор се јави кај директорот на ЈСП, Драги Кушовски да провери дали информацијата е точна.
Тој вели дека можеби во моментот не можеле да извадат.
„Билетите важат до крајот на годината. Од нова година ќе важат нови. Можеби во моментот не можеле да ги продолжат, не би можел ништо да коментирам понатаму“, рече тој за Фактор.
Пензионерите на располагање имаат месечен билет за 300 денари, кој важи за сите линии и релации во Скопје.
Извор: фактор.мк
