Во населбата Дижон, вчера попладне, градоначалникот на општина Чаир, Висар Ганиу, заедно со својот тим, одржа информативна средба со жителите на оваа населба. На средбата беа презентирани инфраструктурните проекти кои ќе се реализираат со поддршка од Владата на Република Северна Македонија. Еден од клучните проекти вклучува реконструкција на водоводната и канализациската мрежа во 16 улички, со вкупна вредност од околу 1,5 милиони евра.
Граѓаните на Дижон активно учествуваа во средбата, изнесувајќи предлози и идеи за дополнителни проекти, со цел подобрување на условите за живот во нивната средина. Градоначалникот Ганиу и неговиот тим се заложија да започнат со подготовка на неопходната документација за нови апликации, кои ќе бидат поднесени за средства предвидени за 2025 година. Очекувано е општина Чаир да добие финансиска поддршка од околу 6,5 милиони евра за овие нови проекти.
“Гостопримството и ентузијазмот на жителите од населбата Дижон беа очигледни, и задоволството на граѓаните од оваа средба е дополнителен мотив да продолжиме со нашата заложба за развој на општината,” изјави градоначалникот Ганиу.
