Најголемата хрватска поп ѕвезда Северина јавно го прозва српскиот претседател Александар Вучиќ за трагедијата што во петокот се случи во Нови Сад.
Се урна настрешницата на железничката станица во овој град, при што животот го загубија дури 14 лица кои се наоѓаа таму, додека неколкумина беа повредени.
Северина на својот Инстаграм профил сподели наслови на текстови во кои ја прозива актуелната власт во Србија и го критикуваше апсењето на организаторите на протестот.
Со објавување на фотографија од Александар Вучиќ, таа го нарече „најголемата настрешница во Србија“, а ја сподели и песната „Живеј слободно“ од покојниот Ѓорѓе Балашевиќ.
„Никој жив не памети толку несреќи за еден везир. Околу вас соседите креваат бедеми на омраза и презир“, беше музиката со фотографијата на Вучиќ.
Српскиот претседател не толку одамна изјави дека „најлошо мисли“ за Северина, најмногу поради нејзиниот став за геноцидот во Сребреница.
