Запознавање меѓу двата состави на историчарите, дискусија за принципите на работа и за протоколарни теми и прашања, но и за прашања кои беа камен на сопнување – ова се случувало денеска, на првиот ден од состанокот на мешовитата историска комисија.
„Повеќе разговараме околу технички, протоколарни и општи прашања по кои тешко, се запознавме, по кои тешко се наоѓа решение. Но тоа не значи дека го загубивме денешниот ден. Не знам, уште немаме конкретно мислење. Нека поминат две три средби“ изјави копретседателот на комисијата, Ангел Димитров.
Дел од членовите на Комисијата не открија дали ќе бараат ревидирање на дел од одлуките кои ги донесе претходниот состав.
Историчарот Митко Панов изјави дека тој и неговите колеги треба да ја запознаат методологијата и концептот на работа и дека очекува слободно изразување на ставовите на членовите односно на македонската историографија додека Димитров во изјава за бугарските медиуми кажа дека очекува македонскиот тим во комисијата да продолжи со остриот тон на Владата.
На почетокот на септември Владата ги именуваше новите членови на комисијата и за копретседател го назначи професорот Ванчо Ѓорѓиев, кој извесно време беше дел од минатиот состав, пред да се повлече поради наводни политички притисоци од тогашниот министер за надворешни работи Бујар Османи.
