Првиот потпретседател на Владата на Северна Македонија, Изет Меџити, во емисијата НОДД на ПорталХ, беше уверен во своето ветување дека, за разлика од претходните влади, оваа влада барем нема да троши средства за спомен обележја како во времето на Груевски.
„Во нашата влада барем нема да има пари што ќе се трошат како во времето на Груевски кога се трошеа милиони евра за спомен-обележја. За прв пат владата донесе одлука за прераспределба на средствата во рамки на проектот „100 милиони евра за општините, и тоа без ниту една разлика”, изјави Меџити.
Меџити понатаму додаде дека во соработка со коалициониот партнер ја продолжуваат борбата против коцкарниците.
„Во принцип имаме договор да ги затвориме сите онлајн казина, и да ги затвориме дивите казина кои се проблем за целиот регион, а не за нашата држава. Битката против нив продолжува“, рече тој.
Што се однесува до балансерот, според Меџити стекнатото право никогаш не се враќа назад, туку секогаш напредува во иднината.
“Балансерот ќе го замениме со Законот за правична и соодветна застапеност, кој нема да биде половичен, туку ќе биде во согласност со уставот и меѓународните одредби“, заврши Меџити.
