Царинската управа по промената на власта за три месеци остварила приходи од речиси 600 милиони евра, односно за 9% или 48 милиони евра повеќе во споредба со истито период лани.
Царинската управа по промената на власта за три месеци остварила приходи од речиси 600 милиони евра, односно за 9% или 48 милиони евра повеќе во споредба со истито период лани, информираше директорот Бобан Николовски на прес-конференцијата по повод 100-те дена влада.
За понатамошен успех, како што најави тој, во иднина приоритет ќе биде бескомпромисната борба со криминалот и корупцијата, односно менување на свеста кај цариниците од кои ќе се бара интегритет и почитување на униформата, бидејќи, како што кажа, приходите кои ги носи управата се клучни за државниот буџет.
-Првиот месец, од преземањето функцијата директор, јули 24-та година е одбележан како месец во кој царинската управа има рекордна наплата, гледано на месечно ниво од близу 12 милијарди денари, наплата што претставува најголем износ од постоењето на царинската управа. Важно е да се истакне дека учеството на царинската управа во вкупните приходи од буџетот на државата е 41%, а ако го издвоиме учеството во даночните приходи уделот на царинската управа е 73% кои се остваруваат преку приходите во наша надлежност. –Бобан Николовски – Директор на Царинска управа.
На граничните терминали во меѓувреме е поставен систем за видео надзор со висока интелигенција, кој автоматски ќе препознава регистарски таблички, па согласно националните и меѓународни податоци ќе означува возила поврзани со организиран криминал и со трговија на луѓе, како и шверц и други нелегални активности. воедно тој ќе овозможи и следење на царинските објекти, помагајќи да се открие сомнително однесување, вели Лакордов – директор на секторот за контрола и истраги
-Интегрираниот систем за видео надзор, треба да гарантира дека царинските службеници ги извршуваат своите должности професионално и етички, помагајќи да се спречи корупција, недолично однесување или злоупотреба на должноста. Снимките може да се споделуваат и со други агенции за спроведување на законот за помогнат во пошироки истраги и правни постапки- Влатко Лакордов – Директор на сектор за контрола и истраги.
Според денеска презентираните податоци на царинската управа, во изминатите три месеци за 60% е зголемен бројот на заплени, меѓу кои ги посочија, спречување на шверц на цигари, одземање на златен и сребрен накит, девизи во вредност од над 100.000 евра, како и голема количина на дрога и лекови.
