Новиот Закон за правична застапеност ќе биде општ кој предвидува казни за оние кои не го почитуваат истиот. Вели првиот Вице премиер Изет Меџити во изјава за Алсат, во врска со новото законско решение кое треба да го замени балансерот, по укинувањето на истиот од страна на Уставниот суд.
“Ние ќе се обидеме до крај ова да биде задолжителна норма за секој функсионер, значи да не зависи институцијата дали го има раководителот албанец или го нема Албанец и во зависност од тоа ќе се зголеми застапеноста на Албанците, туку да биде правна норма со која утре за секој раководител на институција кој не го почитува ќе се соочи со казна и со прекршување на закон” изјави Изет Меџити првиот Вицепремиер
„Нема смисла да го регулираме на законски начин и утре да го оставиме на волјата на еден поединец дали сака или не сака да го почитува ова прашање”
На прашањето како ќе се надмине препораката на Уставниот која вели дека во иднина со ниту еден закон не треба да се бара етничката припадност на кандидатите, Меџити е дециден дека етничката припадност мора да биде опфатена во законот.
„Не се во право дека соодветна застапеност во државната и јавната администрација не може да се направи ако не го знаеме етничкиот состав на работниците… Дефинитивно, тогаш како ќе правиме соодветна застапеност без да го знаеме етничкиот состав на администрацијата, рече Изет Меџити првиот вицепремиер.
Вицепремиерот гарантира дека има волја во владата да се усвои законот, кој нема да биде оспорен пред Уставниот суд.
„Прво, принципите ќе бидат да се заштити уставната категорија, соодветната застапеност на сите заедници во Македонија, без да се судри со Уставниот суд, бидејќи знаеме дека минатите гарнитури ни оставија дефект што дури може и законот со две мнозинство да го укинат со просто мнозинство“, додаде Изет Меџити.
Распостранување на законот, според Меџити, ќе биде во сите институции, вклучително и безбедносните органи, кои досега балансерот не ги опфати.
На прашањето дали законот ќе биде посебен или ќе се заснова на двата закони за јавна и државна администрација, чии членови ги укина Уставниот суд, Меџити нагласува дека шансите се дека тој ќе биде посебен, но сепак ќе има широка дебата за истиот.
„Повеќе ќе биде посебен, но ќе биде законско решение. Да не го предрасудиме. Важно, прашањето за соодветна застапеност ќе се реши законски, а не како досега само со алатка, механизам како што беше балансерот. Во однос на формата и деталите, мислам дека ќе има јавна расправа и тоа нема да се прави во тајност. Ќе се интензивираме за да биде уште побрзо за да ја затвориме оваа тема“, изјави Изет Меџити, прв вицепремиер.
