Потрагата по исчезнатата подморница Титан влезе во критична фаза и бродовите, специјалната опрема и спасувачките тимови сега се во трка со времето додека се обидуваат да ја лоцираат пред патниците да останат без кислород.
На почетокот на секое патување, подморницата подготвува и има поддршка за живот во период од 96 часа, исчезнала во неделата, што значи дека денес е последна шанса да се најде екипажот на Титан додека патниците се живи. Американската крајбрежна стража процени дека кислород за луѓето во подморницата може да снема денес во 13:18 часот.
Според Си-Ен-Ен , американската крајбрежна стража ја проширила областа за пребарување и пренасочила дел од своите ресурси за да се обиде да ги лоцира звуците кои можеле да се слушнат вчера за време на воздушната потрага.
Во меѓувреме, флота од бродови и специјална опрема го скенираат дното на океанот со сонар.
Сепак, како што пишува Би-Би-Си, експертите предупредуваат дека недостатокот на кислород не е единствениот проблем.
Д-р Кен Ледез, експерт за хипербарична медицина, вели дека постојат опасности и дека подморницата останала без струја, што игра клучна улога во контролирањето на нивото на кислород и јаглерод диоксид.
Како што објасни тој, додека нивото на кислород опаѓа, процентот на јаглерод диоксид што го вдишуваат патниците се зголемува, што може да има потенцијално катастрофални последици.„Како што се зголемува нивото на јаглерод диоксид, тој станува како седатив или анестетик гас, предизвикувајќи луѓето да заспијат“, рече Ледез.
Друга опасност е хипотермијата, каде што човечкото тело станува премногу ладно за да функционира.
Поранешниот капетан на британската кралска морнарица Рајан Ремзи вели дека ако подморницата е на дното на океанот, температурата на водата е околу нула Целзиусови степени.
Како што објасни, ова е голем проблем за екипажот бидејќи ако нема струја, подморницата не може да генерира топлина.
И хипотермијата, недостатокот на кислород и акумулација на јаглерод диоксид во подморницата негативно ќе влијае на способноста на патниците во подморницата да стапат во контакт со спасувачките тимови со, на пример, удирање по ѕидовите на подморницата во редовни интервали за да привлечат внимание.
„Ако се во несвест, патниците нема да можат да направат ништо за да си помогнат“, вели Ледез.
