Во Скопје, на 57 годишна возраст по долго боледување почина актерот и режисер Трајче Ѓорѓиев.
Ѓорѓиев беше основач, главен двигател на ПАНФИЗ, меѓународниот фестивал за пантомима кој опстојува 16 години. Бил активен на македонската сцена, но и во театарскиот живот во регионот.
Во својата долгогодишна и исполнета кариера добитник е на „Гран при“ за најдобра претстава и најдобра режија за повеќе претстави меѓу кои и „Кралот Иби“ „Настојник“ „Домот на Бернарда Алба“ и други.
Во 2006 година е добитник на две големи награди за претставата „Човекот“ – награда за најдобра сценска игра на фестивалот „Златен рис“ во Бања Лука и наградата на директорите на фестивалот на Меѓународниот фестивал во Габрово, Бугарија.
