Шеснаесет годишно момче од село Мралино, општина Илинден со секира во рака влегло во спортска обложувалница и се заканувало дека ќе ја убие вработената ако не му ги даде парите. Инцидентот, според Министерството за внатрешни работи се случил пред неколку дена кога малолетникот влегол во обложувалницата во Петровец каде извршил разбојништво.
Полициски службеници од Одделението за криминалистички работи при ЕВР Гази Баба, вчера во 04:30 часот, лишиле од слобода малолетникот.
Во службен раговор во полициска станица, во присуство на родител, тој го признал делото, а биле пронајдени и дел од предметите поврзани со делото. По целосно документирање на случајот, во координација со јавен обвинител, против него ќе биде поднесена соодветна пријава, велат од МВР.
Како што информираат од таму, малолетникот се сомничи дека на 30 април 2023 извршил кривично дело „разбојништво“ во спортска обложувалница во село Петровец, при што со закана од вработената одзел пари.
