Збунетите жители на Пекинг се предупредени да користат чадори откако во главниот град на Кина почна да врне необичен дожд.
Во последните денови, снимката стана вирална на социјалните мрежи на која се гледа „дожд од црви“ на улиците на главниот град, со лигави животни кои ги покриваат автомобилите.
Ел Хералдо објави дека жителите на Пекинг биле советувани да ги напуштат своите домови само со чадори.
На снимките од вестите, жителите може да се видат како ја извршуваат својата секојдневна работа со подигнати чадори за да не бидат погодени од црвите што паѓаат.
И додека кинеските власти допрва треба да ја откријат причината зад овој чуден феномен, теориите почнаа да се појавуваат на интернет.
Некои сугерираат дека тоа би можело да се цветови од топола, многу популарно дрво во областа што е полно со семиња и, кога цветовите паѓаат, често се мешаат со гасеници.
Друга теорија сугерира дека црвите почнале да паѓаат откако биле однесени од силни ветрови, теорија поддржана од научното списание Mother Nature Network, кое објаснува дека овој вид на животински инцидент се случува по бура. „Крајот на светот е сѐ поблиску“, вели еден корисник на Твитер.
