Хрватската актерка Едита Мајиќ во 2004 година реши да го напушти актерскиот свет и да се посвети на монашкиот начин на живот.
По повеќе од една деценија помината во затворен манастир, таа реши порадикално да му служи на Бога – живеејќи како пустиник, во голема сиромаштија, во целодневна тишина. Поранешната актерка отишла во манастирот Св. Џозеф во шпанскиот град Авила, каде што станала кармелитска калуѓерка.
-Таа средба со Бог се случи наеднаш, како блесок, неочекуван подарок на неговата љубов што се излева во твоето битие, апсолутно, наеднаш, неодоливо и до крај. Одеднаш се ми стана јасно. Добив одговори на сите прашања, ја опиша хрватската актерка својата трансформација во 2003 година.
Во едно интервју, Едита објасни како отишла таму, разочарана од површноста на животот што го живеела.
-Која е причината поради која вреди да се живее? Ако е само ова надворешното… да ги живееш овие неколку години што поубаво… а потоа да исчезнеш во ништожноста, со тело покриено со црви во некој студен гроб… тогаш подобро е да не постоиш воопшто, рече Едита и додаде дека во тој период на испрашување почувствувала духовен повик.
Како што објасни таткото на Мамиќ, постојат два вида – потрадиционалниот, во заедница со други пустиници кои живеат во пустина, а другиот тип го избрала сестрата Едита и тоа е осамениот начин на живот.
-Света Едита живее анхоритен начин на живот, во целосна осаменост. Според она што го слушнав, таа отиде на едно такво место во Шпанија. Јасно е дека некој одлучува да се повлече во самотија поради поголема поврзаност со Бога, вели таткото Винко Мамиќ за „Јутарњи.хр“.
Во септември 2017 година нејзината мајка Јадранка проговори за судбината на нејзината ќерка и откри детаљ – дека решила да оди во пустина и да живее како пустиник.
-Долги години чувствуваше дека Господ ја повикува на поинаков и порадикален начин на живеење. Од самиот почеток знаеше по кој пат е. Живее надвор од манастирот на напуштено и осамено место, ненаселено и во осаменост, рече Јадранка.
