Диетата со зелка моментално е една од најпопуларните на интернет. Оваа диета не е нова, но стана популарна во 50-тите години на минатиот век.
Го користеле луѓето за подобрување на нивното општо здравје и како еден вид детоксикација на телото. Некои извори тврдат и дека супата од зелка, на која се базира оваа диета, се користела и за време на Првата светска војна за зајакнување на имунитетот.
При следењето на оваа диета, дозволено е да се јаде друга храна со помалку калории, додека потребно е да се елиминираат шеќерот и храната како печени компири, банани и слично во првите 3 дена.
Значи, главниот оброк е супа од зелка и се прави на следниов начин:
Зеленчукот исечкајте го на коцки, вклучувајќи моркови, зелени пиперки, кромид, домати, печурки, зелка и целер.
Во тава ставете го кромидот и малку масло и динстајте неколку минути. Потоа додадете го сечканиот зеленчук.
Додадете 6-7 чаши вода во тенџере и оставете да зоврие. Намалете ја температурата на средно и оставете го зеленчукот да се готви. Гответе додека зеленчукот не омекне, еден 30-45 мин. Можете да додадете сол и бибер по желба.
Прв ден
Супа од зелка и овошје по избор, само банани не се дозволени. Пијте многу течности, се препорачува вода, незасладен чај или црно кафе.
Втор ден
Супа и зеленчук, количината не е ограничена, важно е да не се чувствувате гладни. Јадете зелен зеленчук и избегнувајте пченка, грашок и други мешунки. Можете да печете компири за вечера. На овој ден е забрането да се јаде овошје.
Трет ден
Со супа од зелка, можете да комбинирате овошје и зеленчук по ваш избор, но не и храна која содржи многу јаглехидрати (на пример, компири).
Четвртиот ден
Освен супата од зелка, можете да изедете најмногу четири банани, а обезмастено млеко да консумирате во неограничени количини.
Петтиот ден
Задолжителна е супата од зелка, а дозволен е еден оброк од 300-500 грама посно пилешко или говедско месо и салата од домати (максимум шест домати).
Во текот на денот треба да пиете од 1,5 до два литри вода, што ќе го подобри исфрлањето на вишокот киселина од телото.
Шестиот ден
Најмалку една порција супа од зелка, посно пилешко или говедско месо и многу зеленчук. Шестиот ден не е дозволено да се јаде компир.
Седмиот ден
А последниот ден од диетата е задолжителна супа од зелка, а гладот можете да го задоволите со порции интегрален ориз и зеленчук. Дозволено е да се пие незасладен овошен сок.
Напомена: Оваа диета се препорачува да се придржувате до 7 дена, по што треба да направите пауза од најмалку 2 дена.
