Претседателот на Србија и врховен командант на вооружените сили на Србија, Александар Вучиќ, наредил вооружените сили на Србија и сите единици на министерството за внатрешни работи да бидат во највисок степен на борбена готовност.
„Претседателот на Србија како врховен командант вечерва нареди српските вооружени сили да бидат на највисоко ниво на борбена готовност, односно подготвеност на ниво на употреба на вооружена сила, односно вооружен потенцијал на српските вооружени сили. “, изјави за Танјуг министерот за одбрана на Србија, Милош Вучевиќ.
Се очекува обраќањето на претседателот Вучиќ и другите надлежни државни органи.
– Нашата армија е целосно подготвена за дејствување! Ќе го браниме народот ако нападнат терористите од Приштина, нема враќање! – вели соговорникот на Информер од Претседателството на Србија.
Ова е првпат да се подига борбената готовност на министерството за внатрешни работи и на вооружените сили Србија од почетокот на тензиите, а со одлуката командата на единицата на српското МВР се префрла на Генералштабот.
Исто така, ова е највисоко ниво на борбена готовност од 1999 година, што е важно да се истакне.
