Знамето на Албанија е закачено на вратата на црква во Приштина, јавува РТС.
Знамето беше забележано денеска, а додека екипата на РТС беше на терен, присуството на полицијата не беше забележано, prenesuvaat srpskite mediumi.
РТС потсетува дека овој Храм, во кој богослужбата е забранета, неколку пати е сквернавен.
Изградбата на Храмот на Христос Спасителот започна во 1992 година, а грубите работи беа завршени во 1998 година. По поставувањето на позлатениот крст на централната купола, конфликтите во Косово го запреа доизградбата на храмот.
Повоените албански власти на Косово тврдат дека храмот бил изграден незаконски, за време на владеењето на Слободан Милошевиќ и на земјиште кое наводно не ѝ припаѓа на СПЦ во Приштина.
Пред неколку години беше организирано форензичко вештачење на теренот во областа околу црквата Христос Спас во потрага по, како што се сомневаше, закопани Албанци убиени за време на конфликтот во Косово. По пребарувањето на неколку локации околу црквата, не се пронајдени траги од човечки тела.
