Со отфрлањето на иницијативата за референдум претседателот на македонскиот парламент Талат Џафери сторил кривично дело за што ќе му биде поднесена пријава до Јавното обвинителство, реагира Димитар Апасиев, лидер на „Левица“.“ – пренесе весникот „Скопско ехо“.
„Тој преку Фејсбук детално наведува каде се, според него, погрешил Џафери кога ја отфрлил иницијативата:
1. Спикерот не е надлежен да се впушта во мериторно оценување на иницијативата за распишување референдум, туку може само да ја цени нејзината „УРЕДНОСТ“ од формално-правен аспект.
2. Спикерот не може сам, без претходно МИСЛЕЊЕ од две собраниски комисии, да одлучи за уредноста на иницијативата.
3. Спикерот, доколку смета дека иницијативата е неуредна, прашањето го префрла на ПЛЕНУМОТ на Собранието, поради тоа што само тоа има уставна и материјална надлежност да цени дали истата ќе продолжи или ќе запре.
4. Единствено СОБРАНИЕТО (на пленарна седница), а не спикерот, е надлежно да одлучи ад меритум за уредноста на поднесената граѓанска иницијатива – преку носење на подзаконски правен акт наречен „Заклучок“ (а не „Известување“). Дури тогаш можеш да го известиш подносителот!
5. Толкувањето дека Уставот не дозволува менување на ратификуван меѓународен договор се однесува исклучиво само на МУЛТИЛАТЕРАЛЕН ДОГОВОР, а никако на билатерален! Дури и Влада, а камоли пак Собранието, може да го раскине овој договор со Бугарија.
6. Со овој акт на самоволие, кога спикерот се става во положба на уставен судија, сторил кривично дело „СПРЕЧУВАЊЕ НА ИЗБОРИ И ГЛАСАЊЕ“ казниво по чл. 158, ст. 1 од Кривичниот законик, со запретена затворска казна од минимум три години (за што правниот тим на Левица ќе процесира соодветна пријава во ОЈО).
7. Кој ти беше правен советник во случајов (Јетон или друг), нека ти ги врати ПАРИТЕ, оти нема поим од животот!
8. Можно е да те бомбардираме и со сто други иницијативи, со различни референдумски прашања, од типот: „Дали сте за тоа бивши амнестирани терористи да можат да извршуваат највисоки државни функции во Република Македонија?“…, наведе Димитар Апасиев.
Претходно, тој реагираше и на социјалната мрежа Твитер. „Уставниот судија“ Талат Џафери пак ги измоча Македонците во лице! Со ново кривично дело. Таман, за во затвор после падот на окупациската Влада, напиша лидерот на Левица.
