Станува збор за Вучко Бориловиќ (34) кој денеска во крвав настан во Цетиње, според последните информации, уби најмалку 11 лица и рани уште шестмина сограѓани. Меѓу жртвите има и деца. Во Клиничкиот центар на Црна Гора се префрлени четири лица, меѓу кои и полицаец кој Бориловиќ го застрелал во главата.
Не е познато дали напаѓачот се самоубил по злосторството или бил убиен од полицијата. По масакрот, Бориловиќ ја спречи брзата помош да им пријде на повредените.
РТЦГ дознава дека на трагедијата и претходел семеен конфликт, по што напаѓачот по случаен избор пукал во минувачи на улица. Напаѓачот пукал и кон полицијата, а во таа пресметка бил убиен.
Во болницата во Цетиње се хоспитализирани 4 ранети, а двајца повредени во Клиничкиот центар во Подгорица. Ова е најголемата трагедија во поновата историја на Црна Гора. На 3 јуни 1992 година, Коста Дамјановиќ уби 9 лица во селото Пушоњски До кај Пљевља.
Вучко Бориловиќ (34), според првите информации го убил целото свое семејство, а потоа излегол на улица и пукал во луѓето.
-Сè уште сме во шок, не ми се верува што направи. Слушнав дека долгот е причина за овој грозоморен масакр. Не бил во добри односи со соседите, ги убивал, но зошто неговата невина сопруга и деца – изјави за Курир видно потресен роднина на убиецот.
Како што дознаваме, Бориловиќ телефонски им се јавил да излезат од куќата, а потоа ги убил.
Бориловиќ е роден на 21 ноември 1988 година во Цетиње, каде што завршил основно училиште. Посетувал средно училиште за бродска механика во Белград. Беше оженет и татко на три деца.
