Португалија вчера ја декласираше Швајцарија со 4:0, а Кристијано Роналдо беше стрелец во 35 и 39 минута.
Тој на натпреварот ги постигна својот 115 и 116 гол за Португалија, а натпреварот од трибините го следеше неговата мајка Марија Долорес дос Сантос Авеиро.
Таа е позната по своите емотивни реакции додека ги следи натпреварите од трибините, а вчеравечер повторно имаше свои моменти кога потполно ја загуби контролата. Нејзините реакции следуваа веднаш по постигнувањето на головите на Роналдо, кога таа започна да плаче од среќа.
За потсетување, Роналдо во една прилика призна дека во еден момент во својата кариера и забранил на мајката да ги гледа неговите важни натпревари на трибините бидејќи два пати се онесвестила. Очигледно сега се е во ред, но емоциите нејзини сепак ја совладуваат во такви моменти.
