Охрид, 4. мај 2022 (ОХРИДПРЕС) – Давеник е пронајден утрово во водите на Охридското Езеро, кај карпите меѓу плажите „Горица 2“ и „Горица 3“.
Според првичните информации, се работи за несреќен случај со трагични последици. Рибар од Охрид се лизнал од карпата од која рибарел.
Случајот за МИА го потврдил портпаролот на СВР Охрид Стефан Димоски, посочувајќи дека полициски екипи се на местото на незгодата и вршат увид.
Телото на давеникот го забележале случајни минувачи и пријавиле во полиција. (Крај)
извор: МИА
