Неколку лица загинаа или се повредени во пожар што избувна за време на руското гранатирање на украинската нуклеарна централа, соопшти украинското Министерство за надворешни работи.
Вработените ја надгледуваат електраната во Запорожје за да се уверат дека таа работи безбедно и дека нивото на радијација во моментов е нормално, се вели во соопштението на Министерството на Фејсбук.
Но, ако процесот на ладење на нуклеарното гориво во енергетските единици е нарушен, може да дојде до радиоактивно оштетување од големи размери.
„Илјадници луѓе – вклучително и цивили кои во моментов не можат да ја евакуираат областа во близина на електраната поради континуирано гранатирање и борби – ќе бидат погодени од ова“, се вели во соопштението.
Во согласност со реакцијата на украинскиот претседател, министерството вели дека нуклеарната катастрофа во Запорожје би можела да биде полоша од претходните несреќи во нуклеарните централи – како Чернобил и Фукушима.
„Русија свесно презеде вооружен напад на локацијата на нуклеарната централа, акција што ги прекршува сите меѓународни договори во рамките на МААЕ (Меѓународната агенција за атомска енергија)“, се додава во соопштението.
Министерството ја повика меѓународната заедница да помогне во отстранувањето на руските војници од областа за да се обезбеди нејзината безбедност.
