Јануари беше голем економски удар за многу семејства, бидејќи некои од нив се жалат на високи сметки од 200 до 700 евра по домаќинство. Иако надлежните изјавија дека струјата во јануари ќе поскапи за 10 отсто, граѓаните со кои разговараше Portalb.mk се жалат дека добиле сметки за над 50 отсто повисоки од декември, дури и случаи кога сметките дошле со цена над 100 % повисока од претходно.
Од ЕВН тврдат дека цената на струјата не зависи од нив, туку од Регулаторна Комисија и демантираат дека добиваат високи сметки, туку дека тие се претпоставени (паушали), кои може да се корегираат. Но, доколку овие износи и по корекцијата останат високи може да се каже дека цените се драстично високи и недостапни за граѓаните.
Љокман Бакију од село Студеничани, вели дека три дена по ред оди да се жали, бидејќи сметката за струја за јануари била 41.691 денар во однос на декември кога платил 14.159 денари, што е повторно висока сума, кога минамалната плата во моментов е 15.200 денари. Тој вели дека за да ја платат јануарската сметка треба да работат полни два месеци, ако не и повеќе.
Екипата на порталот, за споредба, направи разговор со мигранти од Македонија кои живеат во земјите на Европската унија, кои го покажуваат своето искуство со струјата, која за домаќинствата, како што велат, се случува да не се плаќа како што е случајот во Македонија. Ова се должи и на фактот, како што велат, можноста што ја нудат соодветните земји за парно греење, што не е случај во Македонија, освен во Град Скопје.
Швајцарија – Кичевецот Мадин Амити, кој живее и работи во Швајцарија, вели дека никогаш не се случило да плати толку многу струја, ниту за цела година. Амити во Швајцарија плаќа најмногу 700 евра годишни трошоци за струја и е должен да му помогне на дел од семејството кое живее во Македонија да ги плати вртоглавите суми струја.
Франција – Фарук Елези, кој ја напушти земјава пред две години, вели дека во Франција плаќа од 20 до 30 евра максимум за еден месец.
Италија – „Во Италија ретко плаќам не повеќе од 20 евра “, вели Елберие Јашари, која поради тешките економски услови е принудена да ја напушти Македонија.
Австрија – Нерихан Азири, наведува дека плаќа најмногу 73 евра месечно. Во сметката на еден од месеците што ни ја испрати, платил само 32 евра.
Извор: Порталб
