Родителите, роднините, пријателите и познаниците на трагично загинатата радовишанка Викторија Николова денеска излегоа на мирен протест на раскрсницата пред Сити Мол, местото каде пред 10 дена беше прегазена младата девојка.
На протестот се придружија и десетици скопјани кои се исто така сериозно загрижени за безбедноста во сообраќајот во главниот град, ако се има во предвид дека во последните 10 дена во страотни сообраќајни несреќи во Скопје покрај 24-годишната Викторија, загинаа уште две лица, а повредени се двајца, момчето на Викторија и тинејџерка која во Лисиче во сообраќајка го загуби својот татко. 75-годишен старец беше прегазен пред мостот Гоце Делчев.
Фото и текст: Слободен печат
