Додека целиот свет ја чека конечната одлука на властите во Мелбурн дали на Новак Ѓоковиќ ќе му биде дозволен влез во земјава, голем број навивачи му даваат поддршка пред хотелот Парк.
Австралискиот суд го одби барањето на Сојузната влада на таа земја да се одложи судењето на Новак Ѓоковиќ. Познатиот австралиски адвокат Џастин Квир изјави дека владата е „очигледно погубена“.
Сојузната влада побара судењето, закажано за понеделник, да се одложи за два дена со цел подобро да се подготви.
Одложувањето беше побарано затоа што тимот на Новак во саботата достави 35 страници докази, на кои, меѓу другото, беше наведено дека тој штотуку добил порака од МВР „дека му е дозволено да патува во Австралија без потреба од карантин“. .
Во таа прилика беше откриено и дека Новак бил позитивен на коронавирусот на 16 декември и затоа побарал и добил медицинско ослободување.
Да потсетиме, адвокатите на Новак како три клучни точки наведоа дека српскиот тенисер имал виза која важела според сите правила, добил медицинско ослободување од организаторите на турнирот, која следувала откако комисијата на Владата на Викторија ја одобрила и добила порака од Министерството за внатрешни работи тој може слободно да патува низ Австралија.
„Господинот Ѓоковиќ разбра дека има право да влезе во Австралија и Викторија и да се натпреварува на Австралија опен“, беше наведено.
Утринава Србите во Австралија повторно се собраа пред хотелот каде е сместен Ѓоковиќ додека чека на одлука на судот, ечи музика и се вие оро, погледнете како изгледа атомсферата во живо:
На насобраните им се обрати со кратка порака на мобилниот телефон со помош на разглас.
– Мене срцето ми заигра. Се надевам дека и на вас. Црквата нека ви биде мирно место за наоѓање мир и слобода. Црквата нека ви биде водич. Најчистите емоции, а тоа е љубовта, ќе го спасат светот. Ви благодарам многу, изјави Новак Ѓоковиќ.
