Не се познавам лично со Беким Сали, но ќе иницирам средба. Ќе му оставам аманет да биде одговорен и транспарентен, пред сè, кон новинарите, рече министерот во заминување, Венко Филипче.
Тој рече дека е горд што во неговиот мандат платите на лекарите се зголемени речиси двојно.
– Горд сум што ниту еден пациент со ретка болест не остана без лек и што го укинавме паралелниот увоз на лекови. Сметам дека добро се справуваме со пандемијата. Состојбата е мирна. Нема да правиме дополнотелни рестрикции, изјави Филипче.
Како што рече тој, најмногу жали што не успеал да го изгради Клиничкиот центар.
