Доколку НАТО не ги заштити Србите на Косово и Метохија во рок од 24 часа, на кои им се заканува погром по последниот упад на специјалните сили на РОСУ на северот на Косово и Метохија и ранувањето на Србин во Звечани, тоа ќе го стори српската армија, дознава Informer.rs !
По драматичните сцени во Косовска Митровица и упадот на единиците на РОСУ, што кулминираше со ранување на Срби од албанските специјални сили, српскиот претседател Александар Вучиќ одлучи итно да се сретне со претставници на српскиот народ на Косово и Метохија.
Како што дознаваме, претседателот на Србија и Владата на Србија денеска ќе донесат одлука дека доколку НАТО, односно КФОР не реагира во рок од 24 часа и не го заштити загрозеното српско население на Косово и Метохија, тоа ќе го направи српската армија !
Претседателот Вучиќ пристигна во гарнизонот на Војската на Србија во Рашка, каде ги посети војниците, а потоа ќе ги посети единиците на жандармеријата во таа област.
Да потсетиме, претседателот на Србија, Александар Вучиќ, како гостин во емисијата „Хит твит“ на ТВ Пинк на 26 септември, веќе зборуваше за таква можност.
Претседателот додаде дека Србија нема да влезе во Косово и Метохија со своите војници и дека ќе чека НАТО да реагира 24 часа во случај на погром. Ако НАТО не реагира, Србија ќе реагира.
