Стотици демонстранти излегоа на скалите на австралискиот Споменик на војната, во знак на протест против задолжителните вакцини проти Ковид-19 за градежниот сектор, јави ДПА. Тешко вооружени полицајци ја опколија групата, при што уапсија неколку лица, објавија локалните медиуми.
Видео може да погледнете ТУКА.
Вицепремиерот на Викторија, Џејмс Мерлино, протестите ги опиша како „неверојатно страшни“ и „насилни од стотици луѓе“, објавија австралиските медиуми.
-Нема да ги наречам протести затоа што тоа не е протест. Тоа е толпа што дејствува криминално, кажа Мерлино.
Видео може да погледнете ТУКА.
Тој додаде дека овие луѓе здравствените работници, самите себе и јавноста во Викторија ги доведуваат во опасност, пренесе ДПА, повикувајќи се на австралиските медиуми.
-Тоа што го видовме во последните два или три дена е криминално однесување кое на никаков начин не ја претставува нашата голема држава и тоа однесување нема да ги намали бројките на нашите случаи, рече Мерлино за новинарите во Мелбурн.
Видео може да погледнете ТУКА.
Австралиската Влада вчера ја затвори градежната индустрија на две недели, повикувајќи се на повеќе неодамнешни случаи на новозаразени со коронавирус во овој сектор.
Секретарот на Синдикатот за градежништво, Џон Сетка, ги обвини „неонацистите и десничарските екстремисти“ за киднапирање на настанот.
Австралиската држава Викторија денеска регистрира 628 нови случаи на коронавирус и три смртни случаи, што е највисок дневен извештај во тековната здравствена криза.
Фото галерија:
