Времето утре ќе биде променливо облачно и свежо со повремен локален дожд. Ќе дува умерен, а долж Повардарието засилен ветер од северен и северозападен правец.
Во четврток времето ќе биде претпладне променливо облачно, а попладне облачноста ќе се намалува. Ќе дува слаб до умерен, а вдолж Повардарието повремено засилен ветер од северен правец.
Во петок времето ќе биде наутро студено, а преку денот претежно сончево и потопло. Ќе дува слаб до умерен ветер од северозападен правец.
Во сабота времето ќе биде наутро студено, а преку денот сончево и релативно топло со мала до умерена локална облачност. Ќе ддува слаб до умерен северен ветер.
УХМР за денеска издаде и актуелно предупредување:
Под влијание на продор на постудена воздушна маса до четврток ќе преовладува променливо облачно и значително посвежо време со умерен до засилен ветер од северен и северозападен правец. Утре ќе има повремен локален дожд. Од четврток до сабота утринските температури ќе бидат многу ниски, кога на некои повисоки места ќе се спуштат и до 0 степени.
